jaan-e-man aap ek kaam karen
jān-e-man aap ek kaam kareñ
apne ilzām mere naam kareñ
aap kī tamkanat kī 'umr darāz
ham faqīroñ kā ehtirām kareñ
banda-parvar bahār kī rut hai
muskurā kar zarā kalām kareñ
ek do sāġharoñ se kyā hogā
koī mā’qūl intizām kareñ
ai 'adam' roz kā ye jhagḌā kyā
baat kā silsila tamām kareñ
jaan-e-man aap ek kaam karen
apne ilzam mere nam karen
aap ki tamkanat ki 'umr daraaz
hum faqiron ka ehtiram karen
banda-parwar bahaar ki rut hai
muskura kar zara kalam karen
ek do sagharon se kya hoga
koi ma’qul intizam karen
ai 'adam' roz ka ye jhagDa kya
baat ka silsila tamam karen
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
