Sufinama

dīwāngī se dosh pe zunnār bhī nahīñ

Mirza Ghalib

dīwāngī se dosh pe zunnār bhī nahīñ

Mirza Ghalib

MORE BYMirza Ghalib

    dīvāngī se dosh pe zunnār bhī nahīñ

    ya.anī hamāre jeb meñ ik taar bhī nahīñ

    dil ko niyāz-e-hasrat-e-dīdār kar chuke

    dekhā to ham meñ tāqat-e-dīdār bhī nahīñ

    milnā tirā agar nahīñ āsāñ to sahl hai

    dushvār to yahī hai ki dushvār bhī nahīñ

    be-ishq umr kaT nahīñ saktī hai aur yaañ

    tāqat ba-qadr-e-lazzat-e-āzār bhī nahīñ

    shorīdgī ke haath se hai sar vabāl-e-dosh

    sahrā meñ ai ḳhudā koī dīvār bhī nahīñ

    gunjā.ish-e-adāvat-e-aġhyār yak taraf

    yaañ dil meñ zo.af se havas-e-yār bhī nahīñ

    Dar nāla-hā-e-zār se mere ḳhudā ko maan

    āḳhir navā-e-murġh-e-giraftār bhī nahīñ

    dil meñ hai yaar saf-e-mizhgāñ se rū-kashī

    hālāñki tāqat-e-ḳhalish-e-ḳhār bhī nahīñ

    is sādgī pe kaun na mar jaa.e ai ḳhudā

    laḌte haiñ aur haath meñ talvār bhī nahīñ

    dekhā 'asad' ko ḳhalvat-o-jalvat meñ bār-hā

    dīvāna gar nahīñ hai to hushyār bhī nahīñ

    dīwāngī se dosh pe zunnār bhī nahīñ

    yanī hamāre jeb meñ ek tar bhī nahīñ

    dil ko niyāz-e-hasrat-e-dīdār kar chuke

    dekhā to hum meñ tāqat-e-dīdār bhī nahīñ

    milnā tirā agar nahīñ āsāñ to sahl hai

    dushwār to yahī hai ki dushwār bhī nahīñ

    be-ishq umr kaT nahīñ saktī hai aur yañ

    tāqat ba-qadr-e-lazzat-e-āzār bhī nahīñ

    shorīdgī ke hath se hai sar wabāl-e-dosh

    sahrā meñ ai ḳhudā koī dīwār bhī nahīñ

    gunjāish-e-adāwat-e-aġhyār yak taraf

    yañ dil meñ zoaf se hawas-e-yār bhī nahīñ

    Dar nāla-hā-e-zār se mere ḳhudā ko man

    āḳhir nawā-e-murġh-e-giraftār bhī nahīñ

    dil meñ hai yar saf-e-mizhgāñ se rū-kashī

    hālāñki tāqat-e-ḳhalish-e-ḳhār bhī nahīñ

    is sādgī pe kaun na mar jae ai ḳhudā

    laḌte haiñ aur hath meñ talwār bhī nahīñ

    dekhā 'asad' ko ḳhalwat-o-jalwat meñ bār-hā

    dīwāna gar nahīñ hai to hushyār bhī nahīñ

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now