dard se mere hai tujhko be-qarārī hae hae

dard se mere hai tujh ko be-qarārī haa.e haa.e

kyā huī zālim tirī ġhaflat-shi.ārī haa.e haa.e

tere dil meñ gar na thā āshob-e-ġham kā hausla

tū ne phir kyuuñ kī thī merī ġham-gusārī haa.e haa.e

kyuuñ mirī ġham-ḳhvārgī kā tujh ko aayā thā ḳhayāl

dushmanī apnī thī merī dost-dārī haa.e haa.e

umr bhar kā tū ne paimān-e-vafā bāñdhā to kyā

umr ko bhī to nahīñ hai pā.edārī haa.e haa.e

zahr lagtī hai mujhe āb-o-havā-e-zindagī

ya.anī tujh se thī ise nā-sāzgārī haa.e haa.e

gul-fishānī-hā-e-nāz-e-jalva ko kyā ho gayā

ḳhaak par hotī hai terī lāla-kārī haa.e haa.e

sharm-e-rusvā.ī se jā chhupnā naqāb-e-ḳhāk meñ

ḳhatm hai ulfat kī tujh par parda-dārī haa.e haa.e

ḳhaak meñ nāmūs-e-paimān-e-mohabbat mil ga.ī

uTh ga.ī duniyā se rāh-o-rasm-e-yārī haa.e haa.e

haath hī teġh-āzmā kā kaam se jaatā rahā

dil pe ik lagne na paayā zaḳhm-e-kārī haa.e haa.e

kis tarah kaaTe koī shab-hā-e-tār-e-barshigāl

hai nazar ḳhū-karda-e-aḳhtar-shumārī haa.e haa.e

gosh mahjūr-e-payām o chashm-e-mahrūm-e-jamāl

ek dil tis par ye nā-ummīd-vārī haa.e haa.e

ishq ne pakḌā na thā 'ġhālib' abhī vahshat kā rañg

rah gayā thā dil meñ jo kuchh zauq-e-ḳhvārī haa.e haa.e

dard se mere hai tujh ko be-qarārī hae hae

kyā huī zālim tirī ġhaflat-shiārī hae hae

tere dil meñ gar na thā āshob-e-ġham kā hausla

tū ne phir kyuñ kī thī merī ġham-gusārī hae hae

kyuñ mirī ġham-ḳhwārgī kā tujh ko aayā thā ḳhayāl

dushmanī apnī thī merī dost-dārī hae hae

umr bhar kā tū ne paimān-e-wafā bāñdhā to kyā

umr ko bhī to nahīñ hai pāedārī hae hae

zahr lagtī hai mujhe āb-o-hawā-e-zindagī

yanī tujh se thī ise nā-sāzgārī hae hae

gul-fishānī-hā-e-nāz-e-jalwa ko kyā ho gayā

ḳhak par hotī hai terī lāla-kārī hae hae

sharm-e-ruswāī se jā chhupnā naqāb-e-ḳhāk meñ

ḳhatm hai ulfat kī tujh par parda-dārī hae hae

ḳhak meñ nāmūs-e-paimān-e-mohabbat mil gaī

uTh gaī duniyā se rāh-o-rasm-e-yārī hae hae

hath hī teġh-āzmā kā kaam se jatā rahā

dil pe ek lagne na payā zaḳhm-e-kārī hae hae

kis tarah kaTe koī shab-hā-e-tār-e-barshigāl

hai nazar ḳhū-karda-e-aḳhtar-shumārī hae hae

gosh mahjūr-e-payām o chashm-e-mahrūm-e-jamāl

ek dil tis par ye nā-ummīd-wārī hae hae

ishq ne pakḌā na thā 'ġhālib' abhī wahshat kā rañg

rah gayā thā dil meñ jo kuchh zauq-e-ḳhwārī hae hae