dil tuhi dard tuhi darman bhi tuhi

dil tuuhī dard tuuhī darmāñ bhī tuhi

merī ummīd tuuhī hasrat-o-armāñ bhī tuhi

kashish-e-husn-e-butāñ mastī-e-'ushshāq tuhi

naġhma-e-kufr hī shorish-e-īmāñ bhī tuhi

raunaq-e-bazm-e-do-'ālam tire dam se qaa.im

aur kaunain kī taḳhrīb kā sāmāñ bhī tuuhī

jalva-e-tūr tuuhī vādī-e-zulmat bhī tuhi

zo'm-e-tā'at bhī tuhi lazzat-e-'isyāñ bhī tuuhī

'azmat-e-kufr bhī tū rif'at-e-īmāñ bhī tuhi

mard-e-kāmil bhī tuhi dushman-e-yazdāñ bhī tuhi

sho.ala-e-barq-e-tapāñ sāya-e-abr-e-rahmat

lutf-bardosh tuhi qahr-badāmāñ tuuhī

ho ijāzat to kyuuñ rāz-e-darūn-e-parda

hasrat-e-dīd tuhi jalva-e-tābāñ bhī tuhi

dil tuhi dard tuhi darman bhi tuhi

meri ummid tuhi hasrat-o-arman bhi tuhi

kashish-e-husn-e-butan masti-e-'ushshaq tuhi

naghma-e-kufr hi shorish-e-iman bhi tuhi

raunaq-e-bazm-e-do-'alam tere dam se qaim

aur kaunain ki taKHrib ka saman bhi tuhi

jalwa-e-tur tuhi wadi-e-zulmat bhi tuhi

zo'm-e-ta'at bhi tuhi lazzat-e-'isyan bhi tuhi

'azmat-e-kufr bhi tu rif'at-e-iman bhi tuhi

mard-e-kaamil bhi tuhi dushman-e-yazdan bhi tuhi

shoala-e-barq-e-tapan saya-e-abr-e-rahmat

lutf-bardosh tuhi qahr-badaman tuhi

ho ijazat to kyun raaz-e-darun-e-parda

hasrat-e-did tuhi jalwa-e-taban bhi tuhi