digar-gūñ hai jahāñ tāroñ kī gardish tez hai saqī

digar-gūñ hai jahāñ tāroñ kī gardish tez hai saaqī

dil-e-har-zarra meñ ġhauġhā-e-rustā-ḳhez hai saaqī

matā-e-dīn-o-dānish luT ga.ī allāh-vāloñ kī

ye kis kāfir-adā kā ġhamza-e-ḳhūñ-rez hai saaqī

vahī derīna bīmārī vahī nā-mohkamī dil kī

ilaaj is kā vahī āb-e-nashāt-añgez hai saaqī

haram ke dil meñ soz-e-ārzū paidā nahīñ hotā

ki paidā.ī tirī ab tak hijāb-āmez hai saaqī

na uTThā phir koī 'rūmī' ajam ke lāla-zāroñ se

vahī āb-o-gil-e-īrāñ vahī tabrez hai saaqī

nahīñ hai nā-umīd 'iqbāl' apnī kisht-e-vīrāñ se

zarā nam ho to ye miTTī bahut zarḳhez hai saaqī

faqīr-e-rāh ko baḳhshe ga.e asrār-e-sultānī

bahā merī navā kī daulat-e-parvez hai saaqī

digar-gūñ hai jahāñ tāroñ kī gardish tez hai saqī

dil-e-har-zarra meñ ġhauġhā-e-rustā-ḳhez hai saqī

matā-e-dīn-o-dānish luT gaī allāh-wāloñ kī

ye kis kāfir-adā kā ġhamza-e-ḳhūñ-rez hai saqī

wahī derīna bīmārī wahī nā-mohkamī dil kī

ilaj is kā wahī āb-e-nashāt-añgez hai saqī

haram ke dil meñ soz-e-ārzū paidā nahīñ hotā

ki paidāī tirī ab tak hijāb-āmez hai saqī

na uTThā phir koī 'rūmī' ajam ke lāla-zāroñ se

wahī āb-o-gil-e-īrāñ wahī tabrez hai saqī

nahīñ hai nā-umīd 'iqbāl' apnī kisht-e-wīrāñ se

zarā nam ho to ye miTTī bahut zarḳhez hai saqī

faqīr-e-rāh ko baḳhshe gae asrār-e-sultānī

bahā merī nawā kī daulat-e-parwez hai saqī