dil hi to hai na sang-o-KHisht dard se bhar na aae kyun

dil hī to hai na sañg-o-ḳhisht dard se bhar na aa.e kyuuñ

ro.eñge ham hazār baar koī hameñ satā.e kyuuñ

dair nahīñ haram nahīñ dar nahīñ āstāñ nahīñ

baiThe haiñ rahguzar pe ham ġhair hameñ uThā.e kyuuñ

jab vo jamāl-e-dil-faroz sūrat-e-mehr-e-nīm-roz

aap hī ho nazzāra-soz soz meñ meñ muñh chhupā.e kyuuñ

dashna-e-ġhamza jāñ-sitāñ nāvak-e-nāz be-panāh

terā hī 'aks-e-ruḳh sahī sāmne tere aa.e kyuuñ

qaid-o-hayāt-o-band-e-ġham asl meñ donoñ ek haiñ

maut se pahle aadmī ġham se najāt paa.e kyuuñ

husn aur us pe husn-e-zan rah ga.ī bul-havas kī sharm

apne pe e'timād hai ġhair ko āzmā.e kyuuñ

vaañ vo ġhurūr-e-izz-o-nāz yaañ ye hijāb-e-pās-e-vaza’

raah meñ ham mileñ kahāñ bazm meñ vo bulā.e kyuuñ

haañ vo nahīñ ḳhudā-parast jaao vo bevafā sahī

jis ko ho dīn-o-dil 'azīz us kī galī meñ jaa.e kyuuñ

'ġhālib'-e-ḳhasta ke baġhair kaun se kaam band haiñ

roiye zār-zār kyā kījiye hā.e-hā.e kyuuñ

dil hi to hai na sang-o-KHisht dard se bhar na aae kyun

roenge hum hazar bar koi hamein satae kyun

dair nahin haram nahin dar nahin aastan nahin

baiThe hain rahguzar pe hum ghair hamein uThae kyun

jab wo jamal-e-dil-faroz surat-e-mehr-e-nim-roz

aap hi ho nazzara-soz soz mein mein munh chhupae kyun

dashna-e-ghamza jaan-sitan nawak-e-naz be-panah

tera hi 'aks-e-ruKH sahi samne tere aae kyun

qaid-o-hayat-o-band-e-gham asl mein donon ek hain

maut se pahle aadmi gham se najat pae kyun

husn aur us pe husn-e-zan rah gai bul-hawas ki sharm

apne pe e'timad hai ghair ko aazmae kyun

wan wo ghurur-e-izz-o-naz yan ye hijab-e-pas-e-waza’

rah mein hum milen kahan bazm mein wo bulae kyun

han wo nahin KHuda-parast jao wo bewafa sahi

jis ko ho din-o-dil 'aziz us ki gali mein jae kyun

'ghaalib'-e-KHasta ke baghair kaun se kaam band hain

roiye zar-zar kya kijiye hae-hae kyun