dil pe zaKHm khate hain jaan se guzarte hain

dil pe zaḳhm khāte haiñ jaan se guzarte haiñ

jurm sirf itnā hai un ko pyaar karte haiñ

vo jo pher kar nazreñ paas se guzarte haiñ

ai ġham-e-zamāna ham tujh ko yaad karte haiñ

vo dayār-e-jānāñ ho yā javār-e-mai-kHāna

gardisheñ Thahartī haiñ ham jahāñ Thahrte haiñ

e'tibār baḌhtā hai aur bhī mohabbat kā

jab vo ajnabī ban kar yaas se guzarte haiñ

dil pe zaKHm khate hain jaan se guzarte hain

jurm sirf itna hai un ko pyar karte hain

wo jo pher kar nazren pas se guzarte hain

ai gham-e-zamana hum tujh ko yaad karte hain

wo dayar-e-jaanan ho ya jawar-e-mai-kHana

gardishen Thahartī hain hum jahan Thahrte hain

e'tibar baDhta hai aur bhi mohabbat ka

jab wo ajnabi ban kar yas se guzarte hain