dil se tirī nigāh jigar tak utar gaī

dil se tirī nigāh jigar tak utar ga.ī

donoñ ko ik adā meñ razā-mand kar ga.ī

shaq ho gayā hai siina ḳhushā lazzat-e-farāġh

taklīf-e-parda-dāri-e-zaḳhm-e-jigar ga.ī

vo bāda-e-shabāna kī sarmastiyāñ kahāñ

uThiye bas ab ki lazzat-e-ḳhvāb-e-sahar ga.ī

uḌtī phire hai ḳhaak mirī kū-e-yār meñ

baare ab ai havā havas-e-bāl-o-par ga.ī

dekho to dil-farebi-e-andāz-e-naqsh-e-pā

mauj-e-ḳhirām-e-yār bhī kyā gul katar ga.ī

har bul-havas ne husn-parastī shi.ār kī

ab ābrū-e-sheva-e-ahl-e-nazar ga.ī

nazzāre ne bhī kaam kiyā vaañ naqāb kā

mastī se har nigah tire ruḳh par bikhar ga.ī

fardā o dī kā tafraqa yak baar miT gayā

kal tum ga.e ki ham pe qayāmat guzar ga.ī

maarā zamāne ne asadullāh ḳhaañ tumheñ

vo valvale kahāñ vo javānī kidhar ga.ī

dil se tirī nigāh jigar tak utar gaī

donoñ ko ek adā meñ razā-mand kar gaī

shaq ho gayā hai sina ḳhushā lazzat-e-farāġh

taklīf-e-parda-dāri-e-zaḳhm-e-jigar gaī

wo bāda-e-shabāna kī sarmastiyāñ kahāñ

uThiye bas ab ki lazzat-e-ḳhwāb-e-sahar gaī

uḌtī phire hai ḳhak mirī kū-e-yār meñ

bare ab ai hawā hawas-e-bāl-o-par gaī

dekho to dil-farebi-e-andāz-e-naqsh-e-pā

mauj-e-ḳhirām-e-yār bhī kyā gul katar gaī

har bul-hawas ne husn-parastī shiār kī

ab ābrū-e-shewa-e-ahl-e-nazar gaī

nazzāre ne bhī kaam kiyā wañ naqāb kā

mastī se har nigah tere ruḳh par bikhar gaī

fardā o dī kā tafraqa yak bar miT gayā

kal tum gae ki hum pe qayāmat guzar gaī

marā zamāne ne asadullāh ḳhañ tumheñ

wo walwale kahāñ wo jawānī kidhar gaī