dil soz se ḳhālī hai nigah pak nahīñ hai
dil soz se ḳhālī hai nigah paak nahīñ hai
phir is meñ ajab kyā ki tū bebāk nahīñ hai
hai zauq-e-tajallī bhī isī ḳhaak meñ pinhāñ
ġhāfil tū nirā sāhib-e-idrāk nahīñ hai
vo aañkh ki hai surma-e-afrañg se raushan
purkār o suḳhan-sāz hai namnāk nahīñ hai
kyā suufī o mullā ko ḳhabar mere junūñ kī
un kā sar-e-dāman bhī abhī chaak nahīñ hai
kab tak rahe mahkūmi-e-anjum meñ mirī ḳhaak
yā maiñ nahīñ yā gardish-e-aflāk nahīñ hai
bijlī huuñ nazar koh o bayābāñ pe hai merī
mere liye shāyāñ ḳhas-o-ḳhāshāk nahīñ hai
aalam hai faqat momin-e-jāñ-bāz kī mīrās
momin nahīñ jo sāhib-e-laulāk nahīñ hai
dil soz se ḳhālī hai nigah pak nahīñ hai
phir is meñ ajab kyā ki tū bebāk nahīñ hai
hai zauq-e-tajallī bhī isī ḳhak meñ pinhāñ
ġhāfil tū nirā sāhib-e-idrāk nahīñ hai
wo aañkh ki hai surma-e-afrañg se raushan
purkār o suḳhan-sāz hai namnāk nahīñ hai
kyā sufī o mullā ko ḳhabar mere junūñ kī
un kā sar-e-dāman bhī abhī chaak nahīñ hai
kab tak rahe mahkūmi-e-anjum meñ mirī ḳhak
yā maiñ nahīñ yā gardish-e-aflāk nahīñ hai
bijlī huñ nazar koh o bayābāñ pe hai merī
mere liye shāyāñ ḳhas-o-ḳhāshāk nahīñ hai
aalam hai faqat momin-e-jāñ-bāz kī mīrās
momin nahīñ jo sāhib-e-laulāk nahīñ hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
