chheDte hain wo dar-o-rasan jaise hum unki baaton se Dar jaenge

chheḌte haiñ vo dār-o-rasan jaise ham un kī bātoñ se Dar jā.eñge

jo haiñ ahl-e-junūñ jazba-e-ishq meñ har ghuTan rāste se guzar jā.eñge

aaj ik kal haiñ do musībat ke so kar ke ek-ek ajnabī guzar jā.eñge

haiñ munāsib yahī sar jhukā.e rakho sar uThāyā to lākhoñ ke sar jā.eñge

naaz sab kaj-kulāhī uThā.eñge ham tujh se ’ahd-e-mohabbat nibhā.eñge ham

apne dāman meñ kāñTe bhare hoñ magar terā āġhosh phūloñ se bhar jā.eñge

bāġhbāñ baaġh terā ye gul bhī tire ham musāfir to bas yūñhī badnām haiñ

ek shab kā baserā hai apnā yahāñ sub.h hogī na jaane kidhar jā.eñge

jitne shikve-gile haiñ miTā le abhī jo sunānā hai ai dil sunā le abhī

un hasīnoñ kā koī bharosa nahīñ aaj vā'da kiyā kal mukar jā.eñge

jis ko sahrā hī samjhe the apnā vatan phuul ġhairoñ ko aur ham ko kāñTe mile

aa.e the phuul chunane baḌe fakHr se kyā ḳhabar thī jhukā kar nazar jā.eñge

chheDte hain wo dar-o-rasan jaise hum un ki baaton se Dar jaenge

jo hain ahl-e-junun jazba-e-ishq mein har ghuTan raste se guzar jaenge

aaj ek kal hain do musibat ke so kar ke ek-ek ajnabi guzar jaenge

hain munasib yahi sar jhukae rakho sar uThaya to lakhon ke sar jaenge

naz sab kaj-kulahi uThaenge hum tujh se ’ahd-e-mohabbat nibhaenge hum

apne daman mein kanTe bhare hon magar tera aaghosh phulon se bhar jaenge

baghban bagh tera ye gul bhi tere hum musafir to bas yunhi badnam hain

ek shab ka basera hai apna yahan subh hogi na jaane kidhar jaenge

jitne shikwe-gile hain miTa le abhi jo sunana hai ai dil suna le abhi

un hasinon ka koi bharosa nahin aaj wa'da kiya kal mukar jaenge

jis ko sahra hi samjhe the apna watan phul ghairon ko aur hum ko kanTe mile

aae the phul chunane baDe fakHr se kya KHabar thi jhuka kar nazar jaenge