ai sanam tu sanam hai nirala tu jidhar bhi nigahen uTha de

ai sanam tū sanam hai nirālā tū jidhar bhī nigāheñ uThā de

tū jise chāhe kar de musalmāñ tū jise chāhe kāfir banā de

laaj rakh mere jazb-e-vafā kī mere sajdoñ ko apnā patā de

mujh ko aatā nahīñ sar jhukānā bandagī kā tarīqa sikhā de

laaj rakh yuuñ mirī bandagī kī yuuñ na bhaTkā mujhe dar-ba-dar tū

yā mujhe merī manzil 'atā kar yā mire sar ko kā'ba banā de

raaz ab tak samajh meñ na aayā raaz kī baat hai raaz hī meñ

'ishq chāhe to miT jaa.e ḳhud hī husn chāhe to murde jilā de

baat ab tak samajh meñ na aa.ī tere jalvoñ meñ hai kaisā jaadū

jaan de de vo mansūr ban kar tū jise chāhe jalva dikhā de

dard-e-dil le ke aayā huuñ dar par phir masīhā nigāh-e-karam kar

maiñ kahāñ jā.ūñgā 'ishq le kar jān-e-man mere dukh kī davā de

tū kahāñ maarā maarā phiregā uTh ke chaukhaT se apne sanam kī

hai 'fanā' bas yahī dīn-o-duniyā to usī dar par hastī miTā de

ai sanam tu sanam hai nirala tu jidhar bhi nigahen uTha de

tu jise chahe kar de musalman tu jise chahe kafir bana de

laj rakh mere jazb-e-wafa ki mere sajdon ko apna pata de

mujh ko aata nahin sar jhukana bandagi ka tariqa sikha de

laj rakh yun meri bandagi ki yun na bhaTka mujhe dar-ba-dar tu

ya mujhe meri manzil 'ata kar ya mere sar ko ka'ba bana de

raaz ab tak samajh mein na aaya raaz ki baat hai raaz hi mein

'ishq chahe to miT jae KHud hi husn chahe to murde jila de

baat ab tak samajh mein na aai tere jalwon mein hai kaisa jadu

jaan de de wo mansur ban kar tu jise chahe jalwa dikha de

dard-e-dil le ke aaya hun dar par phir masiha nigah-e-karam kar

main kahan jaunga 'ishq le kar jaan-e-man mere dukh ki dawa de

tu kahan mara mara phirega uTh ke chaukhaT se apne sanam ki

hai 'fana' bas yahi din-o-duniya to usi dar par hasti miTa de