Font by Mehr Nastaliq Web
Sufinama

tera nigah-e-shauq koi raaz-dan na tha

Fani Badayuni

tera nigah-e-shauq koi raaz-dan na tha

Fani Badayuni

MORE BYFani Badayuni

    terā nigāh-e-shauq koī rāz-dāñ na thā

    āñkhoñ ko varna jalva-e-jānāñ kahāñ na thā

    ’ālam-e-juz ’etibār-e-nihāñ-o-ayāñ na thā

    ya.anī ki to ayaañ na huā aur nihāñ na thā

    ab tak tirī galī meñ ye rusvā.iyāñ na thiiñ

    ab tak to is zamīñ pe koī āsmāñ na thā

    kyā din the jab ma.āl-e-vafā ḳhabar na thī

    vo din bhī the ki hāl-e-vafā dāstāñ na thā

    mafhūm-e-kā.enāt tumhār sivā nahīñ

    tum chhup ga.e nazar se to saarā jahāñ na thā

    har shāḳh har shajar se na thā bijliyoñ ko laag

    har shāḳh har shajar pe mirā āshiyāñ na thā

    āġhosh-e-maut meñ tah-e-dāmān-e-yār hoñ

    vo din ga.e ke mujh pe koī mehrbāñ na thā

    āzurda thā ki zabt-e-fuġhāñ meñ asar nahīñ

    sharminda huuñ ki zabt-e-fuġhāñ rā.egāñ na thā

    ho bhī chuke the dām-e-mohabbat meñ ham asiir

    'ālam abhī ba-qaid-e-zamān-o-makāñ na thā

    allāh re be-niyāzi-e-ādāb-e-iltifāt

    dekhā mujhe to paa.e nazar darmiyāñ na thā

    mere dil-e-ġhuyūr husn-e-talab to dekh

    goyā zabāñ pe harf-e-tamannā garāñ na thā

    ne karam kiyā to ba-’unvān-e-rañj-e-zīst

    ġham bhī mujhe diyā to ġham jāvedāñ na thā

    'fānī' fusūn-e-maut tāsīr dekhnā

    Thahrā vo dil ki jis pe sukūñ gumāñ na thā

    tera nigah-e-shauq koi raaz-dan na tha

    aankhon ko warna jalwa-e-jaanan kahan na tha

    ’alam-e-juz ’etibar-e-nihan-o-ayan na tha

    yani ki to ayan na hua aur nihan na tha

    ab tak teri gali mein ye ruswaiyan na thin

    ab tak to is zamin pe koi aasman na tha

    kya din the jab maal-e-wafa ki KHabar na thi

    wo din bhi the ki haal-e-wafa dastan na tha

    mafhum-e-kaenat tumhaar siwa nahin

    tum chhup gae nazar se to sara jahan na tha

    har shaKH har shajar se na tha bijliyon ko lag

    har shaKH har shajar pe mera aashiyan na tha

    aaghosh-e-maut mein tah-e-daman-e-yar hon

    wo din gae ke mujh pe koi mehrban na tha

    aazurda tha ki zabt-e-fughan mein asar nahin

    sharminda hun ki zabt-e-fughan raegan na tha

    ho bhi chuke the dam-e-mohabbat mein hum asir

    'alam abhi ba-qaid-e-zaman-o-makan na tha

    allah re be-niyazi-e-adab-e-iltifat

    dekha mujhe to pae nazar darmiyan na tha

    mere dil-e-ghuyur ka husn-e-talab to dekh

    goya zaban pe harf-e-tamanna garan na tha

    tu ne karam kiya to ba-’unwan-e-ranj-e-zist

    gham bhi mujhe diya to gham jawedan na tha

    'fani' fusun-e-maut ki tasir dekhna

    Thahra wo dil ki jis pe sukun ka guman na tha

    Source :
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now