nai hai bilkul nai hai saheb ye dastan jo suna raha hun

na.ī hai bilkul na.ī hai sāheb ye dāstāñ jo sunā rahā huuñ

abhī abhī hī banā huuñ banda pahle maiñ bhī ḳhudā rahā huuñ

zarā ye shams-o-qamar se kah do vo ab shu'āoñ ko bhuul jaa.eñ

maiñ apne sahrā ke zarre-zarre ko ḳhud chamaknā sikhā rahā huuñ

vo faḳhr-e-ādam meñ ibn-e-ādam hai merī ġhairat kā ye taqāzā

ilāhī mujh ko nahīñ zarūrat maiñ hālat jannat banā rahā huuñ

sarāpā ġham bhī ho kaif-o-mastī na jis meñ ho ye fareb-e-hastī

jo paak tar ho hirs havas se maiñ aisī duniyā basā rahā huuñ

vo kaisī shab thī thā kaisā manzar kisī ko sote meñ aa jagāyā

usī adā se usī adab se maiñ zaḳhm apne jagā rahā huuñ

kabhī jo tanhā.ī de ijāzat to 'qādrī' ye payām duniyā

na rindo ghabrāo mai-kade meñ makīñ aa rahā huuñ maiñ aa rahā huuñ

nai hai bilkul nai hai saheb ye dastan jo suna raha hun

abhi abhi hi bana hun banda pahle main bhi KHuda raha hun

zara ye shams-o-qamar se kah do wo ab shu'aon ko bhul jaen

main apne sahra ke zarre-zarre ko KHud chamakna sikha raha hun

wo faKHr-e-adam mein ibn-e-adam hai meri ghairat ka ye taqaza

ilahi mujh ko nahin zarurat main haalat jannat bana raha hun

sarapa gham bhi ho kaif-o-masti na jis mein ho ye fareb-e-hasti

jo pak tar ho hirs hawas se main aisi duniya basa raha hun

wo kaisi shab thi tha kaisa manzar kisi ko sote mein aa jagaya

usi ada se usi adab se main zaKHm apne jaga raha hun

kabhi jo tanhai de ijazat to 'qadri' ye payam duniya

na rindo ghabrao mai-kade mein makin aa raha hun main aa raha hun