na sawal hai taKHt-o-taj ka na qasam se zar ka KHayal hai

na savāl hai taḳht-o-tāj kā na qasam se zar kā ḳhayāl hai

mere chāra-gar mere mehrbāñ tire ek kā savāl hai

hai jahāñ meñ yuuñ to bahut hasīñ koī tujh sā par mirī jaañ nahīñ

tū jamīl bhī hai hasīn bhī tū qasīm bhī be-misāl hai

tirā ishq hai mirī zindagī tirā zikr hai mirī bandagī

tujhe bhuul paanā ḳhudā qasam mirā jiite jī to muhāl hai

mirā kaun hai juz tire sanam jo sune mirā qissa-e-alam

mirā bas tū hī to hai mehrbāñ tire rū-ba-rū mirā haal hai

tirā dar hai ka.aba merā sanam tū ḳhudā hai merā ḳhudā qasam

tire dar se jānāñ jabīñ mirī uThe jiite jī kyā jamāl hai

mirī jaañ tirā mubtalā huuñ maiñ tire husn par mar miTā huuñ maiñ

mirī jaañ mirī rakh le aabrū mirī zindagī kā savāl hai

na sawal hai taKHt-o-taj ka na qasam se zar ka KHayal hai

mere chaara-gar mere mehrban tere ek ka sawal hai

hai jahan mein yun to bahut hasin koi tujh sa par meri jaan nahin

tu jamil bhi hai hasin bhi tu qasim bhi be-misal hai

tera ishq hai meri zindagi tera zikr hai meri bandagi

tujhe bhul pana KHuda qasam mera jite ji to muhaal hai

mera kaun hai juz tere sanam jo sune mera qissa-e-alam

mera bas tu hi to hai mehrban tere ru-ba-ru mera haal hai

tera dar hai kaba mera sanam tu KHuda hai mera KHuda qasam

tere dar se jaanan jabin meri uThe jite ji kya jamal hai

meri jaan tera mubtala hun main tere husn par mar miTa hun main

meri jaan meri rakh le aabru meri zindagi ka sawal hai