jinan se hai dur ahl-e-kina tumhaara

jināñ se hai duur ahl-e-kīna tumhārā

na jā.egā dozaḳh meñ biinā tumhārā

na kyuuñ kar ho mā'mūr asrār-e-haq se

hai kanz-e-ilāhī vo siinā tumhārā

hai bū gesū-e-pāk kī rashk-e-’ambar

fuzūñ 'itr se hai pasīnā tumhārā

hasīnān-e-'ālam kī dekheñ adā.eñ

nirālā hai sab se qarīnā tumhārā

buzurgī meñ rutba meñ rū-e-zamīñ par

nahīñ 'arsh se kam madīna tumhārā

maqām-e-danā jab ki vo lā-makāñ hai

na kyuuñ 'arsh ā'zam ho siinā senā tumhārā

nigāh-e-karam ho dil-e-be-navā par

hai muhtāj nān-e-shabīna tumhārā

ajal ke havāle karo jaan 'farhat'

ki marne se bad-tar hai jiinā tumhārā

jinan se hai dur ahl-e-kina tumhaara

na jaega dozaKH mein bina tumhaara

na kyun kar ho ma'mur asrar-e-haq se

hai kanz-e-ilahi wo sina tumhaara

hai bu gesu-e-pak ki rashk-e-’ambar

fuzun 'itr se hai pasina tumhaara

hasinan-e-'alam ki dekhen adaen

nirala hai sab se qarina tumhaara

buzurgi mein rutba mein ru-e-zamin par

nahin 'arsh se kam madina tumhaara

maqam-e-dana jab ki wo la-makan hai

na kyun 'arsh aa'zam ho sina sena tumhaara

nigah-e-karam ho dil-e-be-nawa par

hai muhtaj nan-e-shabina tumhaara

ajal ke hawale karo jaan 'farhat'

ki marne se bad-tar hai jina tumhaara