hai ghar wo kaun sa jalwa nahin jahan tera

hai ghar vo kaun sā jalva nahīñ jahāñ terā

zabāñ hai kaun sī jis par nahīñ bayāñ terā

nahīñ hai naam jahāñ terā bastī suunī hai

vo be-nishāñ hai jis jā nahīñ nishāñ terā

jahāñ pe gardan-e-taslīm ḳham hai har ik kī

mulk meñ jis kī salāmī vo āstāñ terā

maqām ho tirā ḳhalvat-pasand vo tū hai

makān-e-bar-sar-e-aflāk-e-lā-makāñ terā

hazāroñ pardoñ se aatā hai nuur chhan-chhan kar

jo do jahāñ meñ hai us shaan se 'ayāñ terā

har ik hayāt ke pīchhe lagī huī hai fanā

yahī hai naam rahegā jo jāvedāñ terā

hazār naam fidā haiñ vo tere rusvā.ī

vo suud hī nahīñ jis meñ nahīñ zabāñ terā

hai ghar wo kaun sa jalwa nahin jahan tera

zaban hai kaun si jis par nahin bayan tera

nahin hai nam jahan tera basti suni hai

wo be-nishan hai jis ja nahin nishan tera

jahan pe gardan-e-taslim KHam hai har ek ki

mulk mein jis ki salami wo aastan tera

maqam ho tera KHalwat-pasand wo tu hai

makan-e-bar-sar-e-aflak-e-la-makan tera

hazaron pardon se aata hai nur chhan-chhan kar

jo do jahan mein hai us shan se 'ayan tera

har ek hayat ke pichhe lagi hui hai fana

yahi hai nam rahega jo jawedan tera

hazar nam fida hain wo tere ruswai

wo sud hi nahin jis mein nahin zaban tera