bekal hai bahut dil mere sarkar KHabar lo
bekal hai bahut dil mire sarkār ḳhabar lo
martā huuñ maiñ o ahmad-e-muḳhtār ḳhabar lo
jaañ lene ko hai hijr kā āzār ḳhabar lo
ab jald o allāh ke dildār ḳhabar lo
dikhlā do ruḳh-e-pāk ḳhudā ke liye maulā
zoroñ pe hai ab hasrat-e-dīdār ḳhabar lo
ab yaas se hasrat se judā.ī meñ hai nālāñ
be-chain bahut hai dil-e-bīmār ḳhabar lo
dam hoñToñ pe hai jaan nikalne ko hai aaqā
ab aap ke bīmār kī ik baar ḳhabar lo
āvāra-o-be-barg giraftār-e-alam hai
'ġhausī' kī tumhāre mire sarkār ḳhabar lo
bekal hai bahut dil mere sarkar KHabar lo
marta hun main o ahmad-e-muKHtar KHabar lo
jaan lene ko hai hijr ka aazar KHabar lo
ab jald o allah ke dildar KHabar lo
dikhla do ruKH-e-pak KHuda ke liye maula
zoron pe hai ab hasrat-e-didar KHabar lo
ab yas se hasrat se judai mein hai nalan
be-chain bahut hai dil-e-bimar KHabar lo
dam honTon pe hai jaan nikalne ko hai aaqa
ab aap ke bimar ki ek bar KHabar lo
aawara-o-be-barg giraftar-e-alam hai
'ghausi' ki tumhaare mere sarkar KHabar lo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
