dil-e-be-mudda’a hai main nahin hun

dil-e-be-mudda’ā hai maiñ nahīñ huuñ

koī dam kī havā hai maiñ nahīñ huuñ

gulistāñ hai ghaTā hai maiñ nahīñ huuñ

nasīm-e-jāñ-fizā hai maiñ nahīñ huuñ

vo ḳhud-bīñ ḳhud-numā hai maiñ nahīñ huuñ

muqābil ā.īna hai maiñ nahīñ huuñ

haqīqat meñ ḳhudā hai maiñ nahīñ huuñ

ye bar-haq hai bajā hai maiñ nahīñ huuñ

zamīn-o-āsmān-o-lā-makāñ meñ

mohammad mustafā hai maiñ nahīñ huuñ

agar kuchh bhī nahīñ merī haqīqat

to ye kis kī sadā hai maiñ nahīñ huuñ

uThe haiñ jab zarā ġhaflat ke parde

to ye 'uqda khulā hai maiñ nahīñ huuñ

na samjhūñ kuchh to sab kuchh maiñ hī maiñ huuñ

agar samjhūñ ḳhudā hai maiñ nahīñ huuñ

jahāñ Daalī nazar niklā tū hī tū

pata is se chalā hai maiñ nahīñ huuñ

vo merā raaz hai maiñ raaz us kā

samajh lo baat kyā hai maiñ nahīñ huuñ

kabhī sājid kabhī masjūd huuñ maiñ

phir us par ye mazā hai maiñ nahīñ huuñ

ba-juz vahm-o-gumān kuchh bhī nahīñ aur

haqīqat merī kyā hai maiñ nahīñ huuñ

samā.e haiñ nigāhoñ meñ vo jalve

to kahnā hī paḌā hai maiñ nahīñ huuñ

burā honā bhalā honā merā kyā

ḳhudā ḳhud jāntā hai maiñ nahīñ huuñ

banā kar ḳhud hī ik miTTī ko mūrat

vo ḳhud hī aa basā hai maiñ nahīñ huuñ

vahī naqsha vahī shoḳhī vahī chaal

sarāpā dilrubā hai maiñ nahīñ huuñ

chaman chhūTā to kaisī qaid-e-hastī

qafas ḳhālī paḌā hai maiñ nahīñ huuñ

tirā band-e-qabā chhūne ke qābil

faqat bād-e-sabā hai maiñ nahīñ huuñ

koī maane na maane us kī marzī

ye merā faisla hai maiñ nahīñ huuñ

zarā dekho zarā socho karo ġhaur

ḳhudā hai bas ḳhudā hai maiñ nahīñ huuñ

karūñ kyuuñ kar na maiñ sajdoñ pe sajde

usī kā naqsh-e-pā hai maiñ nahīñ huuñ

zarā socho zarā samjho karo ġhaur

ḳhudā hai bas ḳhudā hai maiñ nahīñ huuñ

samajh lo ġhaur kar lo aur dekho

ḳhudā hai bas ḳhudā hai maiñ nahīñ huuñ

samajh lo ġhaur kar lo aur dekho

vahī zāt-e-ḳhudā hai maiñ nahīñ huuñ

samajh lo ġhaur kar lo aur dekho

faqat zāt-e-ḳhudā hai maiñ nahīñ huuñ

samajh lo ġhaur kar lo aur dekho

tumheñ dhokā huā hai maiñ nahīñ huuñ

maze kī baat hai pyāre zarā sun

tujhe dhokā huā hai maiñ nahīñ huuñ

jo hotā maiñ to hotā fikr-e-parda

bahut achchhā huā hai maiñ nahīñ huuñ

ba-qaid-e-'abadiyat 'mushtāq' maiñ huuñ

ba-itlāqan ḳhudā hai maiñ nahīñ huuñ

dil-e-'mushtāq' merā kyā bharosā

terā hāfiz ḳhudā hai maiñ nahīñ huuñ

dil-e-be-mudda’a hai main nahin hun

koi dam ki hawa hai main nahin hun

gulistan hai ghaTa hai main nahin hun

nasim-e-jaan-fiza hai main nahin hun

wo KHud-bin KHud-numa hai main nahin hun

muqabil aaina hai main nahin hun

haqiqat mein KHuda hai main nahin hun

ye bar-haq hai baja hai main nahin hun

zamin-o-asman-o-la-makan mein

mohammad mustafa hai main nahin hun

agar kuchh bhi nahin meri haqiqat

to ye kis ki sada hai main nahin hun

uThe hain jab zara ghaflat ke parde

to ye 'uqda khula hai main nahin hun

na samjhun kuchh to sab kuchh main hi main hun

agar samjhun KHuda hai main nahin hun

jahan Dali nazar nikla tu hi tu

pata is se chala hai main nahin hun

wo mera raaz hai main raaz us ka

samajh lo baat kya hai main nahin hun

kabhi sajid kabhi masjud hun main

phir us par ye maza hai main nahin hun

ba-juz wahm-o-guman kuchh bhi nahin aur

haqiqat meri kya hai main nahin hun

samae hain nigahon mein wo jalwe

to kahna hi paDa hai main nahin hun

bura hona bhala hona mera kya

KHuda KHud jaanta hai main nahin hun

bana kar KHud hi ek miTTi ko murat

wo KHud hi aa basa hai main nahin hun

wahi naqsha wahi shoKHi wahi chaal

sarapa dilruba hai main nahin hun

chaman chhuTa to kaisi qaid-e-hasti

qafas KHali paDa hai main nahin hun

tera band-e-qaba chhune ke qabil

faqat baad-e-saba hai main nahin hun

koi mane na mane us ki marzi

ye mera faisla hai main nahin hun

zara dekho zara socho karo ghaur

KHuda hai bas KHuda hai main nahin hun

karun kyun kar na main sajdon pe sajde

usi ka naqsh-e-pa hai main nahin hun

zara socho zara samjho karo ghaur

KHuda hai bas KHuda hai main nahin hun

samajh lo ghaur kar lo aur dekho

KHuda hai bas KHuda hai main nahin hun

samajh lo ghaur kar lo aur dekho

wahi zat-e-KHuda hai main nahin hun

samajh lo ghaur kar lo aur dekho

faqat zat-e-KHuda hai main nahin hun

samajh lo ghaur kar lo aur dekho

tumhein dhoka hua hai main nahin hun

maze ki baat hai pyare zara sun

tujhe dhoka hua hai main nahin hun

jo hota main to hota fikr-e-parda

bahut achchha hua hai main nahin hun

ba-qaid-e-'abadiyat 'mushtaq' main hun

ba-itlaqan KHuda hai main nahin hun

dil-e-'mushtaq' mera kya bharosa

tera hafiz KHuda hai main nahin hun