کفرِ صنم نصیب ہوا سلام ہو نہ ہو

کفرِ صنم نصیب ہوا سلام ہو نہ ہو

مقبولِ خاص و عام یہ بدنام ہو نہ ہو

آئیں گے سر بسر تیرے بازارِ عشق میں

توہین ہی سہی چلو اکرام ہو نہ ہو

جلتے رہیں گے جب تلک اس تن میں جان ہے

راہِ درازِ عشق سر انجام ہو نہ ہو

بے اختیار آپ کے کوچہ سے اے صنم

بادِ صبا تو آئے گی پیغام ہو نہ ہو

شیریں لبوں سے آپ کے وہ گالیاں سہی

بوس و کنار کا ہمیں انعام ہو نہ ہو

عاشق ہے جو مراد پہ اس یار کے چلے

حسبِ مراد اس کے دلا رام ہو نہ ہو

مستِ خراب حال کو در سے نہ روکنا

ساقی شرابِ ناب سے پر جام ہو نہ ہو

مطلب ہے عشق اور کوئی آرزو نہیں

دیدارِ ذوالجلال والاکرام ہو نہ ہو

سنگِ درِ حبیب سے اٹھے نہ سر غلامؔ

مقصود بر آئے نہ آئے کام ہو نہ ہو