hadsa wo jo abhi parda-e-aflak mein hai

hādsa vo jo abhī parda-e-aflāk meñ hai

'aks us kā mire ā.īna-e-idrāk meñ hai

na sitāre meñ hai ne gardish-e-aflāk meñ hai

terī taqdīr mire nāla-e-bebāk meñ hai

yā mirī aah meñ hī koī sharar zinda nahīñ

yā zarā nam abhī tere ḳhas-o-ḳhāshāk meñ hai

kyā 'ajab merī navā-hā-e-sahar-gāhī se

zinda ho jaa.e vo ātish jo tirī ḳhaak meñ hai

toḌ Dālegī yahī ḳhaak tilsim-e-shab-o-roz

garche uljhī huī taqdīr ke pechāk meñ hai

hadsa wo jo abhi parda-e-aflak mein hai

'aks us ka mere aaina-e-idrak mein hai

na sitare mein hai ne gardish-e-aflak mein hai

teri taqdir mere nala-e-bebak mein hai

ya meri aah mein hi koi sharar zinda nahin

ya zara nam abhi tere KHas-o-KHashak mein hai

kya 'ajab meri nawa-ha-e-sahar-gahi se

zinda ho jae wo aatish jo teri KHak mein hai

toD Dalegi yahi KHak tilsim-e-shab-o-roz

garche uljhi hui taqdir ke pechaak mein hai