hai bas-ki har ek un ke ishāre meñ nishāñ aur

hai bas-ki har ik un ke ishāre meñ nishāñ aur

karte haiñ mohabbat to guzartā hai gumāñ aur

yā-rab vo na samjhe haiñ na samjheñge mirī baat

de aur dil un ko jo na de mujh ko zabāñ aur

abrū se hai kyā us nigah-e-nāz ko paivand

hai tiir muqarrar magar is kī hai kamāñ aur

tum shahr meñ ho to hameñ kyā ġham jab uTheñge

le ā.eñge bāzār se jā kar dil o jaañ aur

har chand subuk-dast hue but-shikanī meñ

ham haiñ to abhī raah meñ hai sañg-e-girāñ aur

hai ḳhūn-e-jigar josh meñ dil khol ke rotā

hote jo ka.ī dīda-e-ḳhūñ-nāba-fishāñ aur

martā huuñ is āvāz pe har chand sar uḌ jaa.e

jallād ko lekin vo kahe jaa.eñ ki haañ aur

logoñ ko hai ḳhurshīd-e-jahāñ-tāb kā dhokā

har roz dikhātā huuñ maiñ ik dāġh-e-nihāñ aur

letā na agar dil tumheñ detā koī dam chain

kartā jo na martā koī din āh-o-fuġhāñ aur

paate nahīñ jab raah to chaḌh jaate haiñ naale

ruktī hai mirī tab.a to hotī hai ravāñ aur

haiñ aur bhī duniyā meñ suḳhan-var bahut achchhe

kahte haiñ ki 'ġhālib' kā hai andāz-e-bayāñ aur

hai bas-ki har ek un ke ishāre meñ nishāñ aur

karte haiñ mohabbat to guzartā hai gumāñ aur

yā-rab wo na samjhe haiñ na samjheñge mirī baat

de aur dil un ko jo na de mujh ko zabāñ aur

abrū se hai kyā us nigah-e-nāz ko paiwand

hai tir muqarrar magar is kī hai kamāñ aur

tum shahr meñ ho to hameñ kyā ġham jab uTheñge

le āeñge bāzār se jā kar dil o jañ aur

har chand subuk-dast hue but-shikanī meñ

hum haiñ to abhī rah meñ hai sañg-e-girāñ aur

hai ḳhūn-e-jigar josh meñ dil khol ke rotā

hote jo kaī dīda-e-ḳhūñ-nāba-fishāñ aur

martā huñ is āwāz pe har chand sar uḌ jae

jallād ko lekin wo kahe jaeñ ki hañ aur

logoñ ko hai ḳhurshīd-e-jahāñ-tāb kā dhokā

har roz dikhātā huñ maiñ ek dāġh-e-nihāñ aur

letā na agar dil tumheñ detā koī dam chain

kartā jo na martā koī din āh-o-fuġhāñ aur

pate nahīñ jab rah to chaḌh jate haiñ nale

ruktī hai mirī taba to hotī hai rawāñ aur

haiñ aur bhī duniyā meñ suḳhan-war bahut achchhe

kahte haiñ ki 'ġhālib' kā hai andāz-e-bayāñ aur