hum to hain pardes mein des mein nikla hoga chand

ham to haiñ pardes meñ des meñ niklā hogā chāñd

apnī raat kī chhat par kitnā tanhā hogā chāñd

jin āñkhoñ meñ kājal ban kar tairī kaalī raat

un āñkhoñ meñ aañsū kā ik qatra hogā chāñd

raat ne aisā peñch lagāyā TuuTī haath se Dor

āñgan vaale niim meñ jā kar aTkā hogā chāñd

chāñd binā har din yuuñ biitā jaise yug biite

mere binā kis haal meñ hogā kaisā hogā chāñd

hum to hain pardes mein des mein nikla hoga chand

apni raat ki chhat par kitna tanha hoga chand

jin aankhon mein kajal ban kar tairi kali raat

un aankhon mein aansu ka ek qatra hoga chand

raat ne aisa pench lagaya TuTi hath se Dor

aangan wale nim mein ja kar aTka hoga chand

chand bina har din yun bita jaise yug bite

mere bina kis haal mein hoga kaisa hoga chand