hawas ko hai nashāt-e-kār kyā kyā

havas ko hai nashāt-e-kār kyā kyā

na ho marnā to jiine kā mazā kyā

tajāhul-peshgī se mudda.ā kyā

kahāñ tak ai sarāpā naaz kyā kyā

navāzish-hā-e-bejā dekhtā huuñ

shikāyat-hā-e-rañgīñ kā gila kyā

nigāh-e-be-mahābā chāhtā huuñ

taġhāful-hā-e-tamkīñ-āzmā kyā

faroġh-e-shola-e-ḳhas yak-nafas hai

havas ko pās-e-nāmūs-e-vafā kyā

nafas mauj-e-muhīt-e-be-ḳhudī hai

taġhāful-hā-e-sāqī kā gila kyā

dimāġh-e-itr-e-pairāhan nahīñ hai

ġham-e-āvārgī-hā-e-sabā kyā

dil-e-har-qatra hai sāz-e-anal-bahar

ham us ke haiñ hamārā pūchhnā kyā

muhābā kyā hai maiñ zāmin idhar dekh

shahīdān-e-nigah kā ḳhūñ-bahā kyā

sun ai ġhārat-gar-e-jins-e-vafā sun

shikast-e-shīsha-e-dil kī sadā kyā

kiyā kis ne jigar-dārī kā da.avā

shakeb-e-ḳhatir-e-āshiq bhalā kyā

ye qātil vāda-e-sabr-āzmā kyuuñ

ye kāfir fitna-e-tāqat-rubā kyā

balā-e-jāñ hai 'ġhālib' us kī har baat

ibārat kyā ishārat kyā adā kyā

hawas ko hai nashāt-e-kār kyā kyā

na ho marnā to jine kā mazā kyā

tajāhul-peshgī se muddaā kyā

kahāñ tak ai sarāpā naz kyā kyā

nawāzish-hā-e-bejā dekhtā huñ

shikāyat-hā-e-rañgīñ kā gila kyā

nigāh-e-be-mahābā chāhtā huñ

taġhāful-hā-e-tamkīñ-āzmā kyā

faroġh-e-shola-e-ḳhas yak-nafas hai

hawas ko pās-e-nāmūs-e-wafā kyā

nafas mauj-e-muhīt-e-be-ḳhudī hai

taġhāful-hā-e-sāqī kā gila kyā

dimāġh-e-itr-e-pairāhan nahīñ hai

ġham-e-āwārgī-hā-e-sabā kyā

dil-e-har-qatra hai sāz-e-anal-bahar

hum us ke haiñ hamārā pūchhnā kyā

muhābā kyā hai maiñ zāmin idhar dekh

shahīdān-e-nigah kā ḳhūñ-bahā kyā

sun ai ġhārat-gar-e-jins-e-wafā sun

shikast-e-shīsha-e-dil kī sadā kyā

kiyā kis ne jigar-dārī kā dawā

shakeb-e-ḳhatir-e-āshiq bhalā kyā

ye qātil wāda-e-sabr-āzmā kyuñ

ye kāfir fitna-e-tāqat-rubā kyā

balā-e-jāñ hai 'ġhālib' us kī har baat

ibārat kyā ishārat kyā adā kyā