ḳhirad ne mujhko atā kī nazar hakīmāna
ḳhirad ne mujh ko atā kī nazar hakīmāna
sikhā.ī ishq ne mujh ko hadīs-e-rindāna
na baada hai na surāhī na daur-e-paimāna
faqat nigāh se rañgīñ hai bazm-e-jānāna
mirī navā-e-pareshāñ ko shā.irī na samajh
ki maiñ huuñ mahram-e-rāz-e-durūn-e-mai-ḳhāna
kalī ko dekh ki hai tishna-e-nasīm-e-sahar
isī meñ hai mire dil kā tamām afsāna
koī batā.e mujhe ye ġhayāb hai ki huzūr
sab āshnā haiñ yahāñ ek maiñ huuñ begāna
farañg meñ koī din aur bhī Thahar jā.ūñ
mire junūñ ko sambhāle agar ye vīrāna
maqām-e-aql se āsāñ guzar gayā 'iqbāl'
maqām-e-shauq meñ khoyā gayā vo farzāna
ḳhirad ne mujh ko atā kī nazar hakīmāna
sikhāī ishq ne mujh ko hadīs-e-rindāna
na baada hai na surāhī na daur-e-paimāna
faqat nigāh se rañgīñ hai bazm-e-jānāna
mirī nawā-e-pareshāñ ko shāirī na samajh
ki maiñ huñ mahram-e-rāz-e-durūn-e-mai-ḳhāna
kalī ko dekh ki hai tishna-e-nasīm-e-sahar
isī meñ hai mere dil kā tamām afsāna
koī batāe mujhe ye ġhayāb hai ki huzūr
sab āshnā haiñ yahāñ ek maiñ huñ begāna
farañg meñ koī din aur bhī Thahar jāūñ
mere junūñ ko sambhāle agar ye wīrāna
maqām-e-aql se āsāñ guzar gayā 'iqbāl'
maqām-e-shauq meñ khoyā gayā wo farzāna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
