husn-e-mah garche ba-hañgām-e-kamāl achchhā hai

husn-e-mah garche ba-hañgām-e-kamāl achchhā hai

us se merā mah-e-ḳhurshīd-jamāl achchhā hai

bosa dete nahīñ aur dil pe hai har lahza nigāh

jī meñ kahte haiñ ki muft aa.e to maal achchhā hai

aur bāzār se le aa.e agar TuuT gayā

sāġhar-e-jam se mirā jām-e-sifāl achchhā hai

be-talab deñ to mazā us meñ sivā miltā hai

vo gadā jis ko na ho ḳhū-e-savāl achchhā hai

un ke dekhe se jo aa jaatī hai muñh par raunaq

vo samajhte haiñ ki bīmār kā haal achchhā hai

dekhiye paate haiñ ushshāq butoñ se kyā faiz

ik barhaman ne kahā hai ki ye saal achchhā hai

ham-suḳhan tesha ne farhād ko shīrīñ se kiyā

jis tarah kā ki kisī meñ ho kamāl achchhā hai

qatra dariyā meñ jo mil jaa.e to dariyā ho jaa.e

kaam achchhā hai vo jis kā ki ma.aal achchhā hai

ḳhizr-sultāñ ko rakhe ḳhāliq-e-akbar sarsabz

shaah ke baaġh meñ ye taaza nihāl achchhā hai

ham ko ma.alūm hai jannat kī haqīqat lekin

dil ke ḳhush rakhne ko 'ġhālib' ye ḳhayāl achchhā hai

husn-e-mah garche ba-hañgām-e-kamāl achchhā hai

us se merā mah-e-ḳhurshīd-jamāl achchhā hai

bosa dete nahīñ aur dil pe hai har lahza nigāh

jī meñ kahte haiñ ki muft aae to mal achchhā hai

aur bāzār se le aae agar TuT gayā

sāġhar-e-jam se mirā jām-e-sifāl achchhā hai

be-talab deñ to mazā us meñ siwā miltā hai

wo gadā jis ko na ho ḳhū-e-sawāl achchhā hai

un ke dekhe se jo aa jatī hai muñh par raunaq

wo samajhte haiñ ki bīmār kā haal achchhā hai

dekhiye pate haiñ ushshāq butoñ se kyā faiz

ek barhaman ne kahā hai ki ye sal achchhā hai

ham-suḳhan tesha ne farhād ko shīrīñ se kiyā

jis tarah kā ki kisī meñ ho kamāl achchhā hai

qatra dariyā meñ jo mil jae to dariyā ho jae

kaam achchhā hai wo jis kā ki maal achchhā hai

ḳhizr-sultāñ ko rakhe ḳhāliq-e-akbar sarsabz

shah ke baġh meñ ye taza nihāl achchhā hai

hum ko malūm hai jannat kī haqīqat lekin

dil ke ḳhush rakhne ko 'ġhālib' ye ḳhayāl achchhā hai