husn ġhamze kī kashākash se chhuTā mere baad

husn ġhamze kī kashākash se chhuTā mere ba.ad

baare ārām se haiñ ahl-e-jafā mere ba.ad

mansab-e-sheftagī ke koī qābil na rahā

huī māzūli-e-andāz-o-adā mere ba.ad

sham.a bujhtī hai to us meñ se dhuāñ uThtā hai

sho.ala-e-ishq siyah-posh huā mere ba.ad

ḳhuuñ hai dil ḳhaak meñ ahvāl-e-butāñ par ya.anī

un ke nāḳhun hue mohatāj-e-hinā mere ba.ad

dar-ḳhur-e-arz nahīñ jauhar-e-bedād ko jā

nigah-e-nāz hai surme se ḳhafā mere ba.ad

hai junūñ ahl-e-junūñ ke liye āġhosh-e-vidā.a

chaak hotā hai garebāñ se judā mere ba.ad

kaun hotā hai harīf-e-mai-e-mard-afgan-e-ishq

hai mukarrar lab-e-sāqī pe salā mere ba.ad

ġham se martā huuñ ki itnā nahīñ duniyā meñ koī

ki kare tāzīyat-e-mehr-o-vafā mere ba.ad

aa.e hai bekasī-e-ishq pe ronā 'ġhālib'

kis ke ghar jā.egā sailāb-e-balā mere ba.ad

thī nigah merī nihāñ-ḳhāna-e-dil kī naqqāb

be-ḳhatar jiite haiñ arbāb-e-riyā mere ba.ad

thā maiñ guldasta-e-ahbāb kī bandish kī giyāh

mutafarriq hue mere rufaqā mere ba.ad

husn ġhamze kī kashākash se chhuTā mere baad

bare ārām se haiñ ahl-e-jafā mere baad

mansab-e-sheftagī ke koī qābil na rahā

huī māzūli-e-andāz-o-adā mere baad

shama bujhtī hai to us meñ se dhuāñ uThtā hai

shoala-e-ishq siyah-posh huā mere baad

ḳhuñ hai dil ḳhak meñ ahwāl-e-butāñ par yanī

un ke nāḳhun hue mohatāj-e-hinā mere baad

dar-ḳhur-e-arz nahīñ jauhar-e-bedād ko jā

nigah-e-nāz hai surme se ḳhafā mere baad

hai junūñ ahl-e-junūñ ke liye āġhosh-e-widāa

chaak hotā hai garebāñ se judā mere baad

kaun hotā hai harīf-e-mai-e-mard-afgan-e-ishq

hai mukarrar lab-e-sāqī pe salā mere baad

ġham se martā huñ ki itnā nahīñ duniyā meñ koī

ki kare tāzīyat-e-mehr-o-wafā mere baad

aae hai bekasī-e-ishq pe ronā 'ġhālib'

kis ke ghar jāegā sailāb-e-balā mere baad

thī nigah merī nihāñ-ḳhāna-e-dil kī naqqāb

be-ḳhatar jite haiñ arbāb-e-riyā mere baad

thā maiñ guldasta-e-ahbāb kī bandish kī giyāh

mutafarriq hue mere rufaqā mere baad