husn jab maqtal ki jaanib tegh-e-burran le chala
husn jab maqtal ki jaanib tegh-e-burran le chala
Hasan Raza Barelvi
MORE BYHasan Raza Barelvi
husn jab maqtal kī jānib teġh-e-burrāñ le chalā
'ishq apne mujrmoñ ko pā-ba-jaulāñ le chalā
chhuT gayā dāman kaleja thaam kar ham rah ga.e
le chalā dil chhīn kar vo dushman-e-jāñ le chalā
be-muravvat nāvak-afgan āfrīñ-sad-āfrīñ
dil kā dil zaḳhmī kiyā paikāñ kā paikāñ le chalā
ārzū-e-dīd-e-jānāñ bazm meñ laa.ī mujhe
bazm se maiñ ārzū-e-dīd-e-jānāñ le chalā
dil ko jānāñ se 'hasan' samjhā-bujhā kar laa.e ham
dil hameñ samjhā-bujhā kar sū-e-jānāñ le chalā
husn jab maqtal ki jaanib tegh-e-burran le chala
'ishq apne mujrmon ko pa-ba-jaulan le chala
chhuT gaya daman kaleja tham kar hum rah gae
le chala dil chhin kar wo dushman-e-jaan le chala
be-murawwat nawak-afgan aafrin-sad-afrin
dil ka dil zaKHmi kiya paikan ka paikan le chala
aarzu-e-did-e-jaanan bazm mein lai mujhe
bazm se main aarzu-e-did-e-jaanan le chala
dil ko jaanan se 'hasan' samjha-bujha kar lae hum
dil hamein samjha-bujha kar su-e-jaanan le chala
- Book : Guldasta-e-Qawwali (Pg. 19)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.