is karam ka karun shukr kaise ada jo karam mujh pe mere nabi kar diya

is karam kā karūñ shukr kaise adā jo karam mujh pe mere nabī kar diyā

maiñ sajātā thā sarkār kī mahfileñ mujh ko har ġham se rab ne barī kar diyā

zikr-e-sarkār kī haiñ baḌī barkateñ mil ga.iiñ rāhateñ azmateñ rif.ateñ

maiñ gunahgār thā be-amal thā magar mustafā ne mujhe jannatī kar diyā

lamha-lamha hai mujh par nabī kī 'atā dosto aur māñgūñ maiñ maulā se kyā

kyā ye kam hai ki mere ḳhudā ne mujhe apne mahbūb kā ummatī kar diyā

jo dar-e-mustafā ke gadā ho ga.e dekhte dekhte kyā se kyā ho ga.e

aisī chashm-e-karam kī hai sarkār ne donoñ 'ālam meñ un ko ġhanī kar diyā

jo bhī aayā hai mahfil meñ sarkār kī hāzirī mil ga.ī jis ko darbār kī

koī siddīq-o-fārūq-o-’usmāñ huā aur kisī ko nabī ne 'alī kar diyā

koī māyūs lauTā na darbār se jo bhī māñgā milā merī sarkār se

sadqe jā۔ūñ 'niyāzī' maiñ laj-pāl ke har gadā ko saḳhī ne saḳhī kar dayā

is karam ka karun shukr kaise ada jo karam mujh pe mere nabi kar diya

main sajata tha sarkar ki mahfilen mujh ko har gham se rab ne bari kar diya

zikr-e-sarkar ki hain baDi barkaten mil gain rahaten azmaten rifaten

main gunahgar tha be-amal tha magar mustafa ne mujhe jannati kar diya

lamha-lamha hai mujh par nabi ki 'ata dosto aur mangun main maula se kya

kya ye kam hai ki mere KHuda ne mujhe apne mahbub ka ummati kar diya

jo dar-e-mustafa ke gada ho gae dekhte dekhte kya se kya ho gae

aisi chashm-e-karam ki hai sarkar ne donon 'alam mein un ko ghani kar diya

jo bhi aaya hai mahfil mein sarkar ki haziri mil gai jis ko darbar ki

koi siddiq-o-faruq-o-’usman hua aur kisi ko nabi ne 'ali kar diya

koi mayus lauTa na darbar se jo bhi manga mila meri sarkar se

sadqe ja۔un 'niyazi' main laj-pal ke har gada ko saKHi ne saKHi kar daya