jaan kar min-jumla-e-kHasan-e-mai-kHana mujhe

jaan kar min-jumla-e-kHāsān-e-mai-kHāna mujhe

muddatoñ royā kareñge jām-o-paimāna mujhe

nañg-e-mai-ḳhāna thā meñ saaqī ne ye kyā kar diyā

piine vaale kah uThe yā pīr-e-mai-ḳhāna mujhe

sabza-o-gul mauj-e-dariyā anjum-o-kHurshīd-o-māh

ik ta.alluq sab se hai lekin raqībāna mujhe

zindagī meñ aa gayā jab koī vaqt-e-imtihāñ

is ne dekhā hai 'jigar' be-iḳhtiyārāna mujhe

jaan kar min-jumla-e-kHasan-e-mai-kHana mujhe

muddaton roya karenge jam-o-paimana mujhe

nang-e-mai-KHana tha mein saqi ne ye kya kar diya

pine wale kah uThe ya pir-e-mai-KHana mujhe

sabza-o-gul mauj-e-dariya anjum-o-kHurshid-o-mah

ek talluq sab se hai lekin raqibana mujhe

zindagi mein aa gaya jab koi waqt-e-imtihan

is ne dekha hai 'jigar' be-iKHtiyarana mujhe