jo puchha ki kis tarh hoti hai barish

jo pūchhā ki kis tarh hotī hai bārish

jabīñ se pasīne kī būñdeñ girā diiñ

jo pūchhā ki kis tarh girtī hai bijlī

nigāheñ milā.īñ milā kar jhukā diiñ

jo pūchhā shab-o-roz milte haiñ kaise

to chehre pe apne vo zulfeñ girā diiñ

jo pūchhā ki naġhmoñ meñ jaadū hai kaisā

to mīThe takallum meñ bāteñ sunā diiñ

jo apnī tamannāoñ kā haal pūchhā

to jaltī huī chand sham.eñ bujhā diiñ

jo puchha ki kis tarh hoti hai barish

jabin se pasine ki bunden gira din

jo puchha ki kis tarh girti hai bijli

nigahen milain mila kar jhuka din

jo puchha shab-o-roz milte hain kaise

to chehre pe apne wo zulfen gira din

jo puchha ki naghmon mein jadu hai kaisa

to miThe takallum mein baaten suna din

jo apni tamannaon ka haal puchha

to jalti hui chand shamen bujha din