kab wo sunta hai kahani meri

kab vo suntā hai kahānī merī

aur phir vo bhī zabānī merī

ḳhalish-e-ġhamza-e-ḳhūñ-rez na pūchh

dekh ḳhūnāba-fishānī merī

kyā bayāñ kar ke mirā ro.eñge yaar

magar āshufta bayānī merī

huuñ za-ḳhud rafta-e-baidā-e-ḳhayāl

bhuul jaanā hai nishānī merī

mutaqābil hai muqābil merā

ruk gayā dekh ravānī merī

qadr-e-sañg-e-sar-e-rah rakhtā hauñ

saḳht arzāñ hai girānī merī

gard-bād-e-rah-e-betābī huuñ

sarsar-e-shauq hai baanī merī

dahan us kā jo na mā'lūm huā

khul ga.ī hech madānī merī

kar diyā zo'f ne 'ājiz 'ġhālib'

nañg-e-pīrī hai javānī merī

kab wo sunta hai kahani meri

aur phir wo bhi zabani meri

KHalish-e-ghamza-e-KHun-rez na puchh

dekh KHunaba-fishani meri

kya bayan kar ke mera roenge yar

magar aashufta bayani meri

hun za-KHud rafta-e-baida-e-KHayal

bhul jaana hai nishani meri

mutaqabil hai muqabil mera

ruk gaya dekh rawani meri

qadr-e-sang-e-sar-e-rah rakhta haun

saKHt arzan hai girani meri

gard-baad-e-rah-e-betabi hun

sarsar-e-shauq hai bani meri

dahan us ka jo na ma'lum hua

khul gai hech madani meri

kar diya zo'f ne 'ajiz 'ghaalib'

nang-e-piri hai jawani meri