Sufinama

kabhī nekī bhī uske jī meñ gar aa jae hai mujhse

Mirza Ghalib

kabhī nekī bhī uske jī meñ gar aa jae hai mujhse

Mirza Ghalib

MORE BYMirza Ghalib

    kabhī nekī bhī us ke meñ gar aa jaa.e hai mujh se

    jafā.eñ kar ke apnī yaad sharmā jaa.e hai mujh se

    ḳhudāyā jazba-e-dil magar tāsīr ulTī hai

    ki jitnā khīñchtā huuñ aur khiñchtā jaa.e hai mujh se

    vo bad-ḳhū aur merī dāstān-e-ishq tūlānī

    ibārat muḳhtasar qāsid bhī ghabrā jaa.e hai mujh se

    udhar vo bad-gumānī hai idhar ye nā-tavānī hai

    na pūchhā jaa.e hai us se na bolā jaa.e hai mujh se

    sambhalne de mujhe ai nā-ummīdī kyā qayāmat hai

    ki dāmān-e-ḳhayāl-e-yār chhūTā jaa.e hai mujh se

    takalluf bartaraf nazzārgī meñ bhī sahī lekin

    vo dekhā jaa.e kab ye zulm dekhā jaa.e hai mujh se

    hue haiñ paañv pahle nabard-e-ishq meñ zaḳhmī

    na bhāgā jaa.e hai mujh se na Thahrā jaa.e hai mujh se

    qayāmat hai ki hove mudda.ī ham-safar 'ġhālib'

    vo kāfir jo ḳhudā ko bhī na sauñpā jaa.e hai mujh se

    kabhī nekī bhī us ke meñ gar aa jae hai mujh se

    jafāeñ kar ke apnī yaad sharmā jae hai mujh se

    ḳhudāyā jazba-e-dil magar tāsīr ulTī hai

    ki jitnā khīñchtā huñ aur khiñchtā jae hai mujh se

    wo bad-ḳhū aur merī dāstān-e-ishq tūlānī

    ibārat muḳhtasar qāsid bhī ghabrā jae hai mujh se

    udhar wo bad-gumānī hai idhar ye nā-tawānī hai

    na pūchhā jae hai us se na bolā jae hai mujh se

    sambhalne de mujhe ai nā-ummīdī kyā qayāmat hai

    ki dāmān-e-ḳhayāl-e-yār chhūTā jae hai mujh se

    takalluf bartaraf nazzārgī meñ bhī sahī lekin

    wo dekhā jae kab ye zulm dekhā jae hai mujh se

    hue haiñ pañw pahle nabard-e-ishq meñ zaḳhmī

    na bhāgā jae hai mujh se na Thahrā jae hai mujh se

    qayāmat hai ki howe muddaī ham-safar 'ġhālib'

    wo kāfir jo ḳhudā ko bhī na sauñpā jae hai mujh se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now