piya wo jam ki sar mera panw par aaya

piyā vo jaam ki sar merā paañv par aayā

chaḌhā vo nashsha ki 'arsh-e-barīñ nazar aayā

milāyā ḳhaak meñ hastī ko ban ga.e iksīr

uThā.ī ḳhaak to muTThī meñ naqd-e-zar aayā

javāb kyā ki siina se le gayā dil ko

dam-e-sabāh jo us kā pyām-bar aayā

tamām 'umr basar kī siyāh-kārī meñ

'kalīm' tujh ko ḳhudā kā bhī kuchh ḳhatar aayā

piya wo jam ki sar mera panw par aaya

chaDha wo nashsha ki 'arsh-e-barin nazar aaya

milaya KHak mein hasti ko ban gae iksir

uThai KHak to muTThi mein naqd-e-zar aaya

jawab kya ki sina se le gaya dil ko

dam-e-sabah jo us ka pyam-bar aaya

tamam 'umr basar ki siyah-kari mein

'kalim' tujh ko KHuda ka bhi kuchh KHatar aaya