dast-e-KHuda hamara jo mushkil-kusha hua

dast-e-ḳhudā hamārā jo mushkil-kushā huā

har dard kī davā huī har 'uqda vā huā

zulf-e-siyāh sāqī-e-rañgīñ ko dekh kar

dil merā mast bāda-e-qālū balā huā

aa.e bahār baaġh meñ gul ḳhanda-zan hue

muzhda ho mai-kasho dar-e-mai-ḳhāna vā huā

aayā jo sāġhar-e-mai-e-tauhīd haath meñ

maiñ haath se gayā ye 'ajab mājrā huā

laayā hai dar ye kHvāja-e-hindūstāñ kī baḳht

dil shaad ho 'kalīm' ki fazl-e-ḳhudā huā

dast-e-KHuda hamara jo mushkil-kusha hua

har dard ki dawa hui har 'uqda wa hua

zulf-e-siyah saqi-e-rangin ko dekh kar

dil mera mast baada-e-qalu bala hua

aae bahaar bagh mein gul KHanda-zan hue

muzhda ho mai-kasho dar-e-mai-KHana wa hua

aaya jo saghar-e-mai-e-tauhid hath mein

main hath se gaya ye 'ajab majra hua

laya hai dar ye kHwaja-e-hindustan ki baKHt

dil shad ho 'kalim' ki fazl-e-KHuda hua