teri aankhon mein khona chahta hun
tirī āñkhoñ meñ khonā chāhtā huuñ
usī ḳhalvat meñ sonā chāhtā huuñ
jahāñ maujoñ meñ kuchh Thahrāv sā hai
vahīñ kashtī Dubonā chāhtā huuñ
yahī me'arāj hai shāyad ḳhushī kī
ḳhushī ke vaqt ronā chāhtā huuñ
zarā khul kar baras ai abr-e-rahmat
maiñ apnā jaam dhonā chāhtā huuñ
tum apnī zulf kī kuchh chhāoñ de do
ki maiñ kuchh der sonā chāhtā huuñ
na jaane kyuuñ Thahr jaatā hai tūfāñ
safīna jab Dubonā chāhtā huuñ
zarā 'kHāmosh' merā dil to dekho
unheñ pākar bhī khonā chāhtā huuñ
teri aankhon mein khona chahta hun
usi KHalwat mein sona chahta hun
jahan maujon mein kuchh Thahraw sa hai
wahin kashti Dubona chahta hun
yahi me'araj hai shayad KHushi ki
KHushi ke waqt rona chahta hun
zara khul kar baras ai abr-e-rahmat
main apna jam dhona chahta hun
tum apni zulf ki kuchh chhaon de do
ki main kuchh der sona chahta hun
na jaane kyun Thahr jata hai tufan
safina jab Dubona chahta hun
zara 'kHamosh' mera dil to dekho
unhen pakar bhi khona chahta hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
