KHudi wo bahr hai jis ka koi kinara nahin

ḳhudī vo bahr hai jis kā koī kināra nahīñ

tū aabjū ise samjhā agar to chāra nahīñ

tilism-e-gumbad-e-gardūñ ko gardūñ ko toḌ sakte haiñ

zujāj kī ye 'imārat hai sañg-e-ḳhāra nahīñ

ḳhudī meñ Dūbte haiñ phir ubhar bhī aate haiñ

magar ye hausla-e-mard-e-hech-kāra nahīñ

tire maqām ko anjum-shanās kyā jaane

ki ḳhāk-e-zinda hai tū tābe’-e-sitāra nahīñ

yahīñ bahisht bhī hai hūr-o-jibra.īl bhī hai

tirī nigah meñ abhī shoḳhi-e-nazāra nahīñ

mire junūñ ne zamāne ko ḳhuub pahchānā

vo pairahan mujhe baḳhshā ki paara paara nahīñ

ġhazab hai 'ain-e-karam meñ baḳhīl hai fitrat

ki lā’l-e-nāb meñ ātish to hai sharāra nahīñ

KHudi wo bahr hai jis ka koi kinara nahin

tu aabju ise samjha agar to chaara nahin

tilism-e-gumbad-e-gardun ko gardun ko toD sakte hain

zujaj ki ye 'imarat hai sang-e-KHara nahin

KHudi mein Dubte hain phir ubhar bhi aate hain

magar ye hausla-e-mard-e-hech-kara nahin

tere maqam ko anjum-shanas kya jaane

ki KHak-e-zinda hai tu tabe’-e-sitara nahin

yahin bahisht bhi hai hur-o-jibrail bhi hai

teri nigah mein abhi shoKHi-e-nazara nahin

mere junun ne zamane ko KHub pahchana

wo pairahan mujhe baKHsha ki para para nahin

ghazab hai 'ain-e-karam mein baKHil hai fitrat

ki la’l-e-nab mein aatish to hai sharara nahin