kisi ko hijr taDpae tumhein kya

kisī ko hijr taḌpā.e tumheñ kyā

jiye koī ki mar jaa.e tumheñ kyā

qiyāmat bhī agar aa.e tumheñ kyā

koī suulī pe chaḌh jaa.e tumheñ kyā

tumhārī jalva-sāmānī salāmat

zamāne par ġhazab aa.e tumheñ kyā

ba-sad nāz-o-adā gesū bikhero

añdherā har taraf chhā.e tumheñ kyā

mohabbat ko na tum samjho na jaano

mohabbat ham ko taḌpā.e tumheñ kyā

tumhārā mashġhala mashq-e-taġhāful

kisī ke dam pe ban jaa.e tumheñ kyā

'nasīr' āh-o-fuġhāñ se baaz aao

samajhte hoñge ham-sā.e tumheñ kyā

kisi ko hijr taDpae tumhein kya

jiye koi ki mar jae tumhein kya

qiyamat bhi agar aae tumhein kya

koi suli pe chaDh jae tumhein kya

tumhaari jalwa-samani salamat

zamane par ghazab aae tumhein kya

ba-sad naz-o-ada gesu bikhero

andhera har taraf chhae tumhein kya

mohabbat ko na tum samjho na jaano

mohabbat hum ko taDpae tumhein kya

tumhaara mashghala mashq-e-taghaful

kisi ke dam pe ban jae tumhein kya

'nasir' aah-o-fughan se baz aao

samajhte honge ham-sae tumhein kya