mahram nahīñ hai tū hī nawā-hā-e-rāz kā

mahram nahīñ hai tū hī navā-hā-e-rāz kā

yaañ varna jo hijāb hai parda hai saaz kā

rañg-e-shikasta sub.h-e-bahār-e-nazāra hai

ye vaqt hai shaguftan-e-gul-hā-e-nāz kā

tū aur sū-e-ġhair nazar-hā-e-tez tez

maiñ aur dukh tirī mizha-hā-e-darāz kā

sarfa hai zabt-e-āh meñ merā vagarna meñ

to.ama huuñ ek hī nafas-e-jāñ-gudāz kā

haiñ bas-ki josh-e-bāda se shīshe uchhal rahe

har gosha-e-bisāt hai sar shīsha-bāz kā

kāvish kā dil kare hai taqāzā ki hai hunūz

nāḳhun pe qarz is girah-e-nīm-bāz kā

tārāj-e-kāvish-e-ġham-e-hijrāñ huā 'asad'

siina ki thā dafīna gohar-hā-e-rāz kā

mahram nahīñ hai tū hī nawā-hā-e-rāz kā

yañ warna jo hijāb hai parda hai saz kā

rañg-e-shikasta subh-e-bahār-e-nazāra hai

ye waqt hai shaguftan-e-gul-hā-e-nāz kā

tū aur sū-e-ġhair nazar-hā-e-tez tez

maiñ aur dukh tirī mizha-hā-e-darāz kā

sarfa hai zabt-e-āh meñ merā wagarna meñ

toama huñ ek hī nafas-e-jāñ-gudāz kā

haiñ bas-ki josh-e-bāda se shīshe uchhal rahe

har gosha-e-bisāt hai sar shīsha-bāz kā

kāwish kā dil kare hai taqāzā ki hai hunūz

nāḳhun pe qarz is girah-e-nīm-bāz kā

tārāj-e-kāwish-e-ġham-e-hijrāñ huā 'asad'

sina ki thā dafīna gohar-hā-e-rāz kā