maktabon mein kahin ra’nai-e-afkar bhi hai

maktaboñ meñ kahīñ rā’nā.i-e-afkār bhī hai

ḳhānqāhoñ meñ kahīñ lazzat-e-asrār bhī hai

manzil-e-rah-ravāñ duur bhī dushvār bhī hai

koī is qāfile meñ qāfila-sālār bhī hai

baḌh ke ḳhaibar se hai ye mārka-e-dīn-o-vatan

is zamāne meñ koī haidar-e-karrār bhī hai

'ilm kī had se pare banda-e-momin ke liye

lazzat-e-shauq bhī hai nemat-e-dīdār bhī hai

pīr-e-mai-ḳhāna ye kahtā hai ki aivān-e-farañg

sust buniyād bhī hai ā.īna-dīvār bhī hai

maktabon mein kahin ra’nai-e-afkar bhi hai

KHanqahon mein kahin lazzat-e-asrar bhi hai

manzil-e-rah-rawan dur bhi dushwar bhi hai

koi is qafile mein qafila-salar bhi hai

baDh ke KHaibar se hai ye marka-e-din-o-watan

is zamane mein koi haidar-e-karrar bhi hai

'ilm ki had se pare banda-e-momin ke liye

lazzat-e-shauq bhi hai nemat-e-didar bhi hai

pir-e-mai-KHana ye kahta hai ki aiwan-e-farang

sust buniyaad bhi hai aaina-diwar bhi hai