wo achhuta jam de ai murshid-e-mai-KHana aaj

vo achhūtā jaam de ai murshid-e-mai-ḳhāna aaj

dil ko raushan ho maqām-e-kā’aba-o-but-kHāna aaj

itnī rif’at baḳhsh de ai laġhzish-e-mastāna aaj

uḌ ke kū-e-yār tak pahuñche mirā afsāna aaj

is adā se chal rahā hai bazm meñ paimāna aaj

apnī hastī se huā jaatā huuñ maiñ begāna aaj

aabrū rakh le ḳhudā-yā tū mazāq-e-dīd kī

phir nazar aane ko hai 'aks-e-ruḳh-e-jānāna aaj

ḳhud barā-e-imtihāñ mahfil meñ vo haiñ jalva-gar

raas aa.e kaash merā jazba-e-mastāna aaj

is karam par jaan sadqe is karam par dil nisār

ho rahī hai bazm meñ phir pursish-e-dīvāna aaj

ai ḳhushā-qismat ye muzda hai kisī kī diid kā

jhuk rahī hai ḳhud jabīn-e-shauq be-tābāna aaj

ye jabīn-e-’ijz merī aur un kā pā-e-nāz

dīdanī hai manzar-e-dīd-e-ruḳh-e-jānāna aaj

rañg laane ko hai ai 'manzūr' nisbat yaar kī

khiñch rahī hai dil kī duniyā ḳhud sū-e-kāshāna aaj

wo achhuta jam de ai murshid-e-mai-KHana aaj

dil ko raushan ho maqam-e-ka’aba-o-but-kHana aaj

itni rif’at baKHsh de ai laghzish-e-mastana aaj

uD ke ku-e-yar tak pahunche mera afsana aaj

is ada se chal raha hai bazm mein paimana aaj

apni hasti se hua jata hun main begana aaj

aabru rakh le KHuda-ya tu mazaq-e-did ki

phir nazar aane ko hai 'aks-e-ruKH-e-jaanana aaj

KHud bara-e-imtihan mahfil mein wo hain jalwa-gar

ras aae kash mera jazba-e-mastana aaj

is karam par jaan sadqe is karam par dil nisar

ho rahi hai bazm mein phir pursish-e-diwana aaj

ai KHusha-qismat ye muzda hai kisi ki did ka

jhuk rahi hai KHud jabin-e-shauq be-tabana aaj

ye jabin-e-’ijz meri aur un ka pa-e-naz

didani hai manzar-e-did-e-ruKH-e-jaanana aaj

rang lane ko hai ai 'manzur' nisbat yar ki

khinch rahi hai dil ki duniya KHud su-e-kashana aaj