maula maula lakh pukaren maula hath na aae

maulā maulā laakh pukāreñ maulā haath na aa.e

lafzoñ se ham khel rahe haiñ ma.anī haath na aa.e

jo paanī ke naam ko jaane paanī hai nā-dānī hai

pānī-pānī karte karte piyāsā hī mar jaa.e

sho.ala-sho.ala raTte-raTte lab par aañch na aa.e

lab par agar chiñgārī rakh lo to lab fauran jal jaa.e

ism pe qaane hone vaalā aur musammā khone vaalā

kaam na karne vaalā mūrakh naam se jī bahlā.e

mashq-e-nām-e-lailā kuchh qais ke kaam na aa.e

lailā-lailā raTte-raTte ḳhud lailā ban jaa.e

maula maula lakh pukaren maula hath na aae

lafzon se hum khel rahe hain mani hath na aae

jo pani ke nam ko jaane pani hai na-dani hai

pani-pani karte karte piyasa hi mar jae

shoala-shoala raTte-raTte lab par aanch na aae

lab par agar chingari rakh lo to lab fauran jal jae

ism pe qane hone wala aur musamma khone wala

kaam na karne wala murakh nam se ji bahlae

mashq-e-nam-e-laila kuchh qais ke kaam na aae

laila-laila raTte-raTte KHud laila ban jae