tha musta’ar-e-husn se uske jo nur tha

thā musta’ār-e-husn se us ke jo nuur thā

ḳhurshīd meñ bhī us hī kā zarra zuhūr thā

hañgāma garm kun jo dil-e-nā-subūr thā

paidā har ik naale se shor-e-nushūr thā

pahuñchā jo aap ko to maiñ pahuñchā ḳhudā ke ta.iiñ

ma'alūm ab huā ki bahut maiñ bhī duur thā

ātish buland dil kī na thī varna ai kalīm

yak sho.ala-barq ḳhirman-e-sad koh-e-tūr thā

majlis meñ raat ik tire partave baġhair

kyā sham.a kyā patañg har ik be-huzūr thā

mun’im ke paas qāqum-o-sanjāb thā to kyā

us riñd kī bhī raat guzar ga.ī jo ’uur thā

ham ḳhaak meñ mile to mile lekin use sip.har

us shoḳh ko bhī raah par laanā zarūr thā

kal paañv ek kāsa-e-sar par jo aa gayā

yaksar vo ustuḳhvān shikastoñ se chuur thā

kahne lagā ki dekh ke chal raah be-ḳhabar

maiñ bhī kabhū kiso kā sar-e-pur-ġhurūr thā

thā vo to rashk-e-hūr-e-bahishtī hamīñ meñ 'mīr'

samjhe na ham to fahm kā apnī qusūr thā

tha musta’ar-e-husn se us ke jo nur tha

KHurshid mein bhi us hi ka zarra zuhur tha

hangama garm kun jo dil-e-na-subur tha

paida har ek nale se shor-e-nushur tha

pahuncha jo aap ko to main pahuncha KHuda ke tain

ma'alum ab hua ki bahut main bhi dur tha

aatish buland dil ki na thi warna ai kalim

yak shoala-barq KHirman-e-sad koh-e-tur tha

majlis mein raat ek tere partawe baghair

kya shama kya patang har ek be-huzur tha

mun’im ke pas qaqum-o-sanjab tha to kya

us rind ki bhi raat guzar gai jo ’ur tha

hum KHak mein mile to mile lekin use siphar

us shoKH ko bhi rah par lana zarur tha

kal panw ek kasa-e-sar par jo aa gaya

yaksar wo ustuKHwan shikaston se chur tha

kahne laga ki dekh ke chal rah be-KHabar

main bhi kabhu kiso ka sar-e-pur-ghurur tha

tha wo to rashk-e-hur-e-bahishti hamin mein 'mir'

samjhe na hum to fahm ka apni qusur tha