meri aankhon ko baKHshe hain aansu dil ko dagh-e-alam de gae hain

merī āñkhoñ ko baḳhshe haiñ aañsū dil ko dāġh-e-alam de ga.e haiñ

is 'ināyat pe qurbān jā.ūñ pyaar māñgā thā ġham de ga.e haiñ

dene aa.e the ham ko tasallī vo tasallī to kyā ham ko dete

toḌ kar kā’ba-e-dil hamārā hasratoñ ke sanam de ga.e haiñ

dil taḌaptā hai fariyād kar ke aañkh Dartī hai aañsū bahā ke

aisī ulfat se vo jāte-jāte mujh ko apnī qasam de ga.e haiñ

marhabā mai-kashoñ kā muqaddar ab to piinā 'ibādat hai 'anvar'

aaj rindoñ ko piine kī dā’vat vā’iz-e-mohtaram de ga.e haiñ

meri aankhon ko baKHshe hain aansu dil ko dagh-e-alam de gae hain

is 'inayat pe qurban jaun pyar manga tha gham de gae hain

dene aae the hum ko tasalli wo tasalli to kya hum ko dete

toD kar ka’ba-e-dil hamara hasraton ke sanam de gae hain

dil taDapta hai fariyaad kar ke aankh Darti hai aansu baha ke

aisi ulfat se wo jate-jate mujh ko apni qasam de gae hain

marhaba mai-kashon ka muqaddar ab to pina 'ibaadat hai 'anwar'

aaj rindon ko pine ki da’wat wa’iz-e-mohtaram de gae hain