ishq ne mujhko phunk diya

'ishq ne mujh ko phūñk diyā

aa re piyā luuñ terī balā

bahr-e-ḳhudā kar mehr-o-vafā

aa re piyā luuñ terī balā

dar pe tire huuñ aan paḌā

ab to nikal parde se zarā

kaun ḳhatā se tum ho ḳhafā

aa re piyā luuñ terī balā

jaane de ab jaur-o-sitam

tujh ko piyā sābir kī qasam

mujh pe karo miyāñ nazar-e-'atā

aa re piyā luuñ terī balā

mujh se tirā ausāf ho kyā

husn tirā hai husn-e-kHudā

ab to karam se mukhḌā dikhā

aa re piyā luuñ terī balā

hijr meñ terī jān-e-jahāñ

mujh meñ nahīñ hai tāb-o-tavāñ

der huī ai māh-e-laqā

aa re piyā luuñ terī balā

ab to ḳhatm kar jaur-o-jafā

ai mere chishtī roye numā

aap ke dar kā maiñ huuñ gadā

aa re piyā luuñ terī balā

'mīrāñ' shaah kī liije ḳhabar

ai māh-e-tābāñ nūr-e-nazar

kaun hai merā aap sivā

aa re piyā luuñ terī balā

'ishq ne mujh ko phunk diya

aa re piya lun teri bala

bahr-e-KHuda kar mehr-o-wafa

aa re piya lun teri bala

dar pe tere hun aan paDa

ab to nikal parde se zara

kaun KHata se tum ho KHafa

aa re piya lun teri bala

jaane de ab jaur-o-sitam

tujh ko piya sabir ki qasam

mujh pe karo miyan nazar-e-'ata

aa re piya lun teri bala

mujh se tera ausaf ho kya

husn tera hai husn-e-kHuda

ab to karam se mukhDa dikha

aa re piya lun teri bala

hijr mein teri jaan-e-jahan

mujh mein nahin hai tab-o-tawan

der hui ai mah-e-laqa

aa re piya lun teri bala

ab to KHatm kar jaur-o-jafa

ai mere chishti roye numa

aap ke dar ka main hun gada

aa re piya lun teri bala

'miran' shah ki lije KHabar

ai mah-e-taban nur-e-nazar

kaun hai mera aap siwa

aa re piya lun teri bala