رندوں کو ادب دے کر محفل کو نکھارا ہے

رندوں کو ادب دے کر محفل کو نکھارا ہے

ساقی کی نگاہوں نے کس کس کو سنوارا ہے

وہ ساقیِ کوثر بس اتنا سا کرم کر دیں

کہہ دیں وہ اشارے سے یہ رند ہمارا ہے

مرشد کے وسیلے سے ہم پر تو کرم کر دیں

محشر میں فقط ہم کو اک ان کا سہارا ہے

یارب یہ تمنا ہے، خواہش ہے تو بس اتنی

اتنا وہ فقط کہہ دیں دیوانہ ہمارا ہے

یہ ایک بھکاری ہے کوئے درِ جاناں کا

للہ کرم کردو! درویش تمہارا ہے

مرشد تری چوکھٹ کو ہم قبلہ سمجھتے ہیں

زاہرؔ اسی کوچے نے ہم کو بھی سنوارا ہے