میں بھی ادنیٰ ساقیا تیرے طلب گاروں میں ہوں

میں بھی ادنیٰ ساقیا تیرے طلب گاروں میں ہوں

چودہویں کا چاند تو ہے، میں ترے تاروں میں ہوں

کیا بیاں زندہ نوازی کا کرے اک اک مرید

مردہ دل زندہ کیا تو ترے دلداروں میں ہوں

مستی سینہ بہ سینہ مست ہم ساقی الست

دمبدم ہمدم رواں چوبیس ہزار تاروں میں ہوں

ہے بلند دست دعا، لا انتہا ہے مدعا

میں نہ مانوں گا کبھی برلا میں حق داروں میں ہوں

میرے حصے کی مجھے دے ساقیا باقی جو ہے

میں ترے میخواروں کے پاپوش برداروں میں ہوں

دمبدم باکار ہوں بے کار سے منہ پھیر لوں

ہو عطا اتنی عطا میں تیرے آہ زاروں میں ہوں

شیخ کی تصویر ہم نے آتے جاتے دمبدم

کھینچ لی دل سے قدیرؔ خود میں پرستاروں میں ہوں