کیسا تیرے مقتل میں تماشا نظر آیا

کیسا تیرے مقتل میں تماشا نظر آیا

گردن کٹی اسی کی جو شیدا نظر آیا

سجدہ جو کیا ہار کے دنیا کی جفا سے

آئی صدا آخر میرا ہی در نظر آیا

حیرت میں ہوں کس بات کی ہے مجھ پہ عنایت

مجھے کمتر و بدتر میں تجھے کیا نظر آیا

کیسے میں کہوں یہ کہ تو نظروں سے چھپا ہے

سب چھوڑ گیے جب تو ہی تنہا نظر آیا

تو روبرو ہو کر بھی نگاہوں سے چھپا ہے

تو ہو کے عیاں بھی پسِ پردہ نظر آیا

گزرا جو تصور میں تیری راہِ فنا سے

حیدر کہیں شبیر و قلندر نظر آیا

تو میرا بھی خالق ہے محمد کا بھی خالق

کیسا یہ خطا کار کو رشتہ نظر آیا

تو لاکھ چھپے مجھ سے اے خلاقِ دوعالم

ہر ذرہ تیرا پردہ اٹھاتا نظر آیا