دولت نہ جاہ و منصب، نہ جسم جاوداں ہے

دولت نہ جاہ و منصب، نہ جسم جاوداں ہے

ذاتِ بشر کی منزل، بس شہرِ خموشاں ہے

ہم نے تو یہی دیکھا دنیا تیری محفل میں

جس کو ہے طلب جتنی، اتنا ہی پریشاں ہے

علم الکتاب تجھ کو آتا ہے اگر واعظ

کیوں رازِ جہاں تیری ادراک سے پنہاں ہے

تم نے جو بصارت دی ہم نے تبھی پہچانا

ہم جس کو خدا سمجھے اک بندۂ یزداں ہے

ہے انقلاب لازم فکر و عمل میں ورنہ

حیواں میں اور بشر میں کچھ فرق ہی کہاں ہے