daulat na jah-o-mansab na jism-e-jawidan hai

daulat na jāh-o-mansab na jism-e-jāvidāñ hai

zāt-e-bashar kī manzil bas shahr-e-ḳhamoshāñ hai

ham ne to yahī dekhā duniyā terī mahfil meñ

jis ko hai talab jitnī itnā hī pareshāñ hai

'ilm-ul-kitāb tujh ko aatā hai agar vā'iz

kyuuñ rāz-e-jahāñ terī idrāk se pinhāñ hai

tum ne jo basārat dī ham ne tabhī pahchānā

ham jis ko ḳhudā samjhe ik banda-e-yazdāñ hai

hai inqilāb lāzim fikr-o-’amal meñ varna

haivāñ meñ aur bashar meñ kuchh farq hī kahāñ hai

daulat na jah-o-mansab na jism-e-jawidan hai

zat-e-bashar ki manzil bas shahr-e-KHamoshan hai

hum ne to yahi dekha duniya teri mahfil mein

jis ko hai talab jitni itna hi pareshan hai

'ilm-ul-kitab tujh ko aata hai agar wa'iz

kyun raaz-e-jahan teri idrak se pinhan hai

tum ne jo basarat di hum ne tabhi pahchana

hum jis ko KHuda samjhe ek banda-e-yazdan hai

hai inqilab lazim fikr-o-’amal mein warna

haiwan mein aur bashar mein kuchh farq hi kahan hai