ایجان غمِ دشمن میں شوریدہ میری کیوں ہے

ایجان غمِ دشمن میں شوریدہ میری کیوں ہے

ہم تو ابھی زندہ ہیں یہ جامہ دری کیوں ہے

آنکھوں کے دکھانے سے ظالم تجھے کیا حاصل

یوہیں ترا بندہ ہوں جادو نظری کیوں ہے

اس یار کے ملنے سے حسرت نہ مٹی دل کی

سل درد مصیبت کی چھاتی پہ دھری کیوں ہے

میں نے جو سیا دامن وحشت نے کہا تھم جا

میں آتی ہوں دیوانے یہ بخیہ گری کیوں ہے

مضطرؔ کو جو روتے ہو کیا تم سے محبت تھی

اس سوگ کے میں صدقے آنکھوں میں تری کیوں ہے