dil ne diwana-e-mashuq banaya mujhko

dil ne dīvāna-e-mā'shūq banāyā mujh ko

ḳhāna-barbād kiyā sab ne chhuḌāyā mujh ko

haa.e kis vaqt meñ ḳhāliq ne banāyā mujh ko

ki hamesha ġham-e-furqat meñ rulāyā mujh ko

kūcha-e-zulf banā bhūl-bhulayyāñ ai dil

aisā khoyā ki kisī ne bhī na paayā mujh ko

be-kasī turbat-e-‘muztar’ pe ye chillātī hai

tere sadqe ga.e kyuuñ tū ne bulāyā mujh ko

dil ne diwana-e-ma'shuq banaya mujh ko

KHana-barbaad kiya sab ne chhuDaya mujh ko

hae kis waqt mein KHaliq ne banaya mujh ko

ki hamesha gham-e-furqat mein rulaya mujh ko

kucha-e-zulf bana bhul-bhulayyan ai dil

aisa khoya ki kisi ne bhi na paya mujh ko

be-kasi turbat-e-‘muztar’ pe ye chillati hai

tere sadqe gae kyun tu ne bulaya mujh ko